Кыргызстандын экс-президенти, учурда БУУнун баш катчысынын Ооганстан боюнча атайын өкүлү Роза Отунбаева Ооганстандын “Талибан” кыймылы курган өкмөтүнүн тышкы иштер министри Амир Хан Муттаки менен жолукту.  Бул туурасында БУУнун Ооганстан боюнча миссиясынын Твиттердеги расмий баракчасында айтылат. Анда Отунбаева менен Муттаки кызматташтыктын кеңири багыттары боюнча сүйлөшкөнү жазылган. “Ишеним, банк системасы, билим берүү жана анын кыздарга дагы жеткиликтүү болуусу талкууланды. Алар өз ара пикир келишпестиктерди моюнга алышты, бирок Ооганстандын кызыкчылыгы үчүн эл аралык коомчулук менен жакындашуу маселесинде бир…

 Россиянын президенти Владимир Путин жарым-жартылай мобилизация жарыялангандан кийин, эркектердин өлкөдөн чыгып кетүүсүнүн ар бир учуру юридикалык жактан карала турганын айтты. Бул тууралуу ал Астанага жасаган иш сапарынын алкагында журналисттер үчүн өткөргөн маалымат жыйында билдирди. Журналисттер өлкөдөн чыгып кеткендер Россияда «саткындар» деп айтылып жатканнын, алардын РФда калган кыймылдуу жана кыймылсыз мүлктөрү конфискацияланары тууралуу кептер жүрүп жатканы тууралуу Путинге суроо беришкен. Мамлекет башчы ар бир иш жекече каралып, юридикалык баа берилерин билдирген. «Ар бир конкреттүү абал боюнча адамдын аракетине…

  Бүгүн, 17-октябрь НАТОнун “Steadfast Noon” өзөктүк куралды токтотуу машыгуусу башталды. Ага 14 өлкө жана 60ка жакын аскердик учак катышууда. Бул тууралуу чет элдик басылмалар жазды. Альянстын маалыматына караганда, машыгуулар “Европанын түндүк-батышында” – Бельгиянын жана Британиянын аба мейкиндигинде, ошондой эле Түндүк деңиздин үстүндө өтөт. НАТОнун баш катчысы Йенс Столтенберг бул НАТОнун өзөктүк мүмкүнчүлүктөрүн коопсуз жана эффективдүү сакталышын камсыздоо максатында жыл сайын пландалган окуулар экенин билдирди. Анын айтымында, машыгууларга согуштук куралдар тартылбайт жана бул Украинанын айланасындагы азыркы…

 Россия Канттагы аскерий базасынан Су-25 чабуулчу учактарын Тажикстанга алып өттү. Бул тууралуу Жамааттык коопсуздук келишим уюмунун маалымат кызматынан билдиришти. Тажикстанда 2022-жылдын 21-октябрына чейин улана турган ЖККУнун “Чек ара-2022” маневрлеринде чабуулчу учактар колдонулат. Бүгүндөн баштап машыгуулар активдүү фазага өттү. “Экипаждар Тажикстандын түштүгүндөгү тоолуу жана чөлдүү аймактагы бутага ракеталык сокку уруу боюнча машыгышат”, – деп билдирет басма сөз борбору. Маневрларга ошондой эле 201-аскердик базанын авиациялык тобунун Ми-24 чабуул тик учактары жана Ми-8МТВ5-1 транспорттук-күжүрмөн тик учактары катышууда. Эске…

Ирандын тышкы иштер министрлигинин басма сөз катчысы Насер Канаани АКШнын президенти Жо Байденди Ирандагы нааразычылык акцияларына чыккандарды колдоп сүйлөгөнү үчүн сынга алды. Ирандык аткаминер Байдендин бул билдирүүсүн ылай суудан балык кармоо (кыйын абалдан өз мүдөөсү үчүн пайдалануу) менен салыштырды. “Ирандагы акыркы окуялардын башталышы менен  АКШнын президенти Жо Байден өзүнүн билдирүүлөрү менен Ирандагы башаламандыкка дагы бир жолу колдоо көрсөттү. <…> Силердин адатыңар – ылай суудан балык уулоо. Бирок бул Иран экенин эсиңерден чыгарбагыла”, – деди Канаани….