“Талибандын” жетекчилиги Душанбе менен болгон чыңалууну дипломатиялык жолдор менен басаңдатууга аракет кылууда. Ооганстанда бийликти басып алган радикалдуу “Талибан” кыймылы Тажикстандын жетекчилиги менен мамиледеги чыңалууну азайтуу үчүн дипломатиялык аракеттерди көрүүдө. Бул тууралуу “Tolo News” телеканалы Ооганстандын Маалымат жана маданият министрлигине таянуу менен билдирди. “Тышкы иштер министрлиги бардык өлкөлөр менен байланышта жана алар менен жакшы мамилелерди курууга аракет кылууда”, – деди “Талибандын” маданий иштер боюнча комиссиясынын мүчөсү Рохулла Омари. Мындан тышкары, ал Тажикстан Ооганстан үчүн жакшы коңшу…

Грузиянын мурдагы президенти жана Украинада Реформалар боюнча улуттук кеңештин аткаруу комитетинин башчысы Михаил Саакашвили мекенинде кармалгандан кийин ачкачылык жарыялады. Бул тууралуу Грузиянын акыйкатчысы Нино Ломжария билдирди.“Саакашвили ачкачылык жарыялаганын айтып, Украинанын жараны катары украиналык консул менен жолугушууну суранды”, – деди акыйкатчы.Анын айтымында, Саакашвили кармоо учурунда каршылык көрсөткөн эмес, ошондуктан ага каршы эч кандай күч колдонулган эмес.Экс-президент 1-октябрда кармалган. Ал мекенине сегиз жылдан бери биринчи жолу муниципалдык шайлоонун алдында кайтып барган. Саясатчы камакка алынганга чейин грузиндерди добуш берүүгө барууга үндөгөн видео…

“Талибан” менен Тажикстандын президенти Эмомали Рахмондун ортосундагы мамиле мындан ары да начарлай берсе, жаман кесепеттерге алып келиши мүмкүн. Мындай пикирин эксперт Азамат Темиркулов “Марал” радиосуна берген маегинде билдирди. Саясат талдоочу Тажикстандын эгемендүүлүк алганынын 30 жылдыгына карата Рахмон легендарлуу Ахмад Шах Масудду өлкөнүн жогорку мамлекеттик сыйлыгы “1-даражадагы Исмоили Сомони” ордени менен сыйлаганы мындан 20 жыл мурун эле терс жакка бурулган Тажикстандын президенти менен “Талибан” кыймылынын ортосундагы начар мамилени ого бетер күчөттү деп эсептейт. “Рахмондун Ахмад Шах Масудга өлгөндөн кийин кадыр-барктуу сыйлык бергени…

Өткөн аптада Душанбе шаарында Шанхай Кызматташтык Уюмуна (ШКУ) мүчө мамлекет башчыларынын 20 жылдык юбилейлик саммити өтүп, анын жыйынтыгында биргелешкен декларация кабыл алынды. Мүчө мамлекеттер маанилүү чечимди жактырышты: ШКУ Жакынкы Чыгышка жайылууда. Эми дагы бир аймактык держава – Иран уюмдун тогузунчу толук укуктуу мүчөсү болот. Иран Ислам Республикасы менен ШКУнун мүчөлөрү өз ара кызматташуудан кандай пайда ала алары жана бул кадамдын аймактык коопсуздук менен кандай байланышы бар экени жөнүндө Орусиянын Илимдер академиясынын Дүйнөлүк экономика жана эл…

Шанхай Кызматташтык Уюмуна мүчө өлкөлөрдүн лидерлери Иранды уюмга кабыл алуу чечимин кабыл алышты. Уюмга мүчө өлкөлөрдүн лидерлери Иранды кабыл алуу жол-жоболорунун башталышы жөнүндө документтерге кол коюшту. Ирандын тышкы иштер министри Хуссейн Амир Абдуллахиян ШКУга мүчө болуу Иран үчүн чоң стратегиялык мааниге ээ экенин билдирди. ШКУнун лидерлери уюмдун 20 жылдыгына карата Душанбе декларациясын кабыл алышты, ошондой эле кызматташуу боюнча дагы 30 документке кол коюшту. Мындан тышкары, Египет, Катар жана Сауд Аравиясына диалог боюнча макам берилет.  …

Казакстандын президенти Касым-Жомарт Токаев өлкөсү ооган элине жардам көрөтүүгө даяр экенин билдирүү менен Шанхай Кызматташтык Уюмунун башчыларынын Кеңешинин отурумунда Ооганстанга эл аралык жардам көрсөтүү үчүн Алматыда  ШКУнун хабын түзүүнү сунуш кылды. Казакстандын президенти “Талибан” бийликке келгенден кийин, Ооганстандагы кырдаал олуттуу туруксуздашууга кетип, жарандык согуш чыгуу коркунучу жогорулап жатканына токтолуп, Казакстандагы инфраструктураны эске алганда, эл аралык хаб согуштун курмандыктары үчүн бир катар гуманитардык-экономикалык маселелерди чече алат деп эсептейт. Ошондой эле, ал Казакстан келечектеги Ооганстанды өзү жана коңшулары менен…

Кыргыз Республикасынын Президенти Садыр Жапаров  16-сентябрда Кытай Эл Республикасынын мамлекеттик кеңешинин мүчөсү, тышкы иштер министри Ван Ини кабыл алды. Коопсуздук жана коргоо, соода-экономикалык кызматташтык, инвестиция тартуу жана башка тармактарда Кыргызстан менен Кытайдын достук жана ынак коңшулаштык мамилелерин ар тараптуу өнүктүрүү маселелери боюнча пикир алмашуу болду. Мамлекет башчысы регионалдык коопсуздук жана туруктуулукту камсыздоо Кыргызстан менен Кытайдын тышкы саясатында негизги артыкчылыктарынын бири  болуп келерин белгиледи. Президент акыркы бир нече жылда, анын ичинде пандемияга карабай, Кытай Кыргызстандын экономикасына инвестиция тартуу жана товар айлантууда…

Орусия менен Ирандын президенттери Владимир Путин жана Ибрахим Раиси телефон аркылуу сүйлөшүштү. Эки мамлекеттин башчылары COVID-19 менен күрөшүү жана Ирандын өзөктүк келишими талкууланды. Кремлдин басма сөз кызматы билдиргендей, лидерлер ошондой эле эл аралык күн тартиби жана эки өлкөнүн кызматташуусу боюнча кээ бир темаларга токтолушту. «Алар ар кандай тармактарда эки тарапка пайдалуу орус-иран мамилелерин бекемдөө үчүн өз ара мамилени ырасташты.Атап айтканда, алар соода-экономикалык байланыштардын ийгиликтүү өнүгүшүн жана коронавирустук инфекциянын жайылышына каршы күрөштө жакшы түзүлгөн кызматташтыкты белгилешкен.Ал эми, Иран президентинин басма…

Орусия менен Сириянын президенттери Владимир Путин жана Башар Асад Кремлде жолугушту. – Бул иш сапар алдын ала жарыяланган жок, – деп билдирди РИА Новости.Путин иш-чаранын башталышында мындай деп сүйлөдү: “Мен Сизди Москвада дагы бир жолу тосуп алганыма абдан кубанычтамын. Жана биринчи кезекте Сизди жакында боло турган туулган күнүңүз менен куттуктагым келет.”Жолугушууда Орус лидери Сириядагы шайлоонун жыйынтыктары тууралуу да  мындай деди: “Жыйынтыктар адамдардын Сизге ишенээрин көрсөтүп турат жана мурунку жылдардагы бардык кыйынчылыктарга, трагедияга карабастан, алар дагы эле калыбына келүү процессин…

Бириккен Улуттар Уюмунун өзөктүк көзөмөл органынын башчысы менен Ирандын өзөктүк кызматтарынын башчысы Ирандын 2015 -жылкы өзөктүк келишимин калыбына келтирүү келечегине байланыштуу жаңы кризисти токтотуучу келишимге жетишти, деп билдирди Al Jazeera. Белгилей кетсек, атомдук энергия боюнча эл аралык агенттиктин (МАГАТЭ) башкы директору Рафаэль Гросси 12-сентябрда Тегеранга келип, Ирандын Атомдук энергия уюмунун жаңы дайындалган башчысы Мухаммад Ислами менен жолугушту.Эки тарап тең жолугушууну “конструктивдүү” деп атап, агенттиктин ушул айдын аягында Венада өтүүчү башкы конференциясынын алкагында талкууларды улантууну макулдашты.Учурдагы макулдашууларга ылайык, МАГАТЭ өз…

Иран акыры Шанхай Кызматташтык Уюмуна мүчө боло алат. Кошуу процедурасынын башталышы Дүйшөмбүдөгү саммитте жарыяланат. Бул тууралуу “Коммерсант” гезити жарыялады.Берилген маалыматтарга караштуу, Иран Ислам Республикасын Шанхай Кызматташтык Уюмуна кошуу жол-жобосунун башталышы 16-17-сентябрда Дүйшөмбүдө өтө турган саммитте каралмакчы.«Тегерандын ШКУга кирүү процессине дагы бир аз убакыт талап кылынышы мүмкүн. Дели менен Исламабадды кошууга дээрлик эки жыл өттү. Бирок анын расмий түрдө ишке киришинин өзү эле жетишкендик, анткени Иран он жылдан ашык убакыттан бери уюмдун “чечинүүчү бөлмөсүндө” отурат”, –…

Кечээ, 7-ентябрда Тажикстан эгемендүүлүгүнүн 30 жылдыгын белгилеп, өлкөнүн борборунда аскердик парад болду. Анда өлкө башчысы Эмомали Рахмон сөз сүйлөп, өлкөнүн тургундарын Ооганстан менен чек арадагы жаңжалдын курчушуна жана тажик армиясын согушка жогорку даярдыкта болууга чакырды. Бул тууралуу жергиликтүү басылмалар жазышты.“Тажикстандын Куралдуу күчтөрү, чер ара аскерлери жана ички аскерлер чек араны коргоого, элди коргоого жана региондогу чоң согушка даяр болуу үчүн керектүү чараларды көрүүгө тийиш”, – деди Рахмон. Аскердик парад Рудаки проспектисинде болуп, ага 30 миңге жакын аскер…

Талибдер Кабулду көзөмөлгө алгандан 20 күндөн ашык убакыт өткөндөн кийин, талиптердин басма сөз катчысы Забихулла Мужахид 7-сентябрда өткөн маалымат жыйынында ооган жаңы өкмөтүнүн кабинетинин мүчөлөрүн жарыялады.  “Кийинки өкмөттө биз ар кандай этникалык топтордун өкүлдөрүн жумуш менен камсыз кылууга аракет кылабыз жана ооган коомунун бардык катмарын кийинки өкмөткө тартууга аракет кылабыз”, – деди Забихулла Мужахид.Мужахид кошумчалады: “Митингдердин артында чет өлкөлүк агымдар турат жана биз Ооганстанда башаламандыкка жол бербейбиз”. Мужахиддин айтымында, Хайбатулла Ахунзаде лидер бойдон кала берет жана жаңы…

Орусиянын Тышкы иштер министри Сергей Лавров Орусия Ооганстандын жаңы өкмөтүнүн инаугурациясына катышууга даяр экенин жарыялады. Белгилей кетсек, мындан мурда “Талибан” өкмөтү Орусия, Түркия, Кытай Иран, Пакистан жана Катардын өкүлдөрүн жаңы ооган өкмөтүнүн курамын жарыялоого арналган иш-чарага катышууга чакырган.ТАССтын билдирүүсүнө караганда, Орусия бул иш-чарага катышуу үчүн өз шартын жарыялаган.Тактап айтканда, тышкы иштер министри орус бийликтеринин “ооган коомунун бардык спектрин, анын ичинде талибдерди жана башка этникалык топторду чагылдырган” өкмөттү түзүүгө гана колдоо көрсөтүү ниетин жарыялады. Лавровдун айтымында, ушундай өкмөт гана…

Ирандын президенти Ибрахим Раиси Иран дүйнөлүк державалар менен 2015-жылкы өзөктүк келишимди узартуу үчүн Батыштын “кысымы” астында эмес, сүйлөшүү жүргүзүүгө даяр экенин жарыялады. Иран президенти учурда Тегеран АКШнын санкцияларын алып салуу үчүн сүйлөшүүлөрдү жүргүзүп жатканын кошумчалады.Рейтердин билдирүүсүндө, Франция менен Германия Иранды июндагы президенттик шайлоодон кийин өзөктүк сүйлөшүүлөргө кайтууга үндөшкөн.Иран өзөктүк программасы боюнча маалымат берип, ал тынчтык максатты көздөй тургандыгын   жана алар өз ишмердүүлүгү тууралуу көзөмөл органына маалымат бергенин айткан. Ошондой эле Кошмо Штаттары санкцияларды алып салса, Ирандын 2015-жылкы…