Бишкек шаары дүйнө жүзүндөгү абасы кир шаарлардын рейтингинде алтынчы сапка чыкты. бул туурасында дүйнөдөгү ири шаарлардагы абанын сапатын көзөмөлдөгөн World Air Quality мекемесинин рейтингинде айтылат. Аталган сайттагы маалыматка ылайык, саат 12:15те абанын сапатынын индекси 154тү (AQI) түзгөн. Рейтингде абасы эң кир шаардын сап башына Пакистандын Лахор шаары жайгашса, экинчиге Бангладештин борбору Дакка, үчүнчүгө Индиянын Дели шаары жайгашкан. Акыркы убакта Бишкекте абанын булганышы башкы экологиялык маселеге айланды. Жыл сайын айрыкча кыш мезгилинде абанын булганышы күчөп, баш…

Ооганстандын түндүгүндөгү Кундуз провинциясында мечитте жарылуу болгонун Аамадж Ньюс агенттиги жазды. Алдын ала маалыматтар боюнча, Ооганстандагы теракттын натыйжасында 100дөй жай тургун каза болуп, дагы ондогон адамдар жаракат алышты.  Агенттиктин маалыматы боюнча, мечитке кол салуу жергиликтүү убакыт боюнча саат 13:30дар чамасында болгон. Ал учурда мечитте жума намазын окуган адамдардын саны көп болгон. Алдын ала билдирүүлөр боюнча, жардырууну жанкечти-террорчу жасаган. Ал мечиттин ичине кирип, ошол жерде жардыруучу затты жардырып жиберген. Жардыруу болгонун өлкөдөгү бийликти басып алган радикалдуу…

Президенттин Баткен облусундагы өкүлү Абдыкерим Алимбаев мындан ары контрабанда менен алектенгендерге каршы ок атыларын билдирди. Бул тууралуу жергиликтүү басылмалар жазышты. Ал аткезчилер күч түзүмдөрүнүн өкүлдөрүнөн качып, көбүнчө барчу жерине жетүү үчүн айланма жол менен кетип жатышканын айтып, мыйзам жол берсе аларга каршы ок чыгарууга тапшырма берди. “Бул жерде бийликтин жана укук коргоо органдарынын өкүлдөрү турушат. Аткезчилердин токтоосун талап кылышканда, алар баш ийбей качышат. Эгерде мыйзам уруксат берсе, мындай учурларда курал колдонуңуз. Болбосо эл түшүнбөй, аткезчилик менен алектенип…

“Талибан” Тажикстанга кол салууга толук даяр. Бул тууралуу “REVERSE SIDE OF THE MEDAL” Telegram-каналы талибдерге шилтеме берип жазды. Маалыматта, “Тажиктердин талибандар тобу “Ансаруллах жамаатынын” башчысы Махди Арсалан Тажикстанга кирүүгө даяр”, – деп айтылат. Эске сала кетсек, буга чейин ал Тажикстанда “Халифат” куруу ниети бар экенин билдирген. Маалыматка ылайык, тажик талибдеринин лидери Ооганстандын Тажикстан менен чектеш аймактарынын башчысы болуп дайындалган. Учурда “Ансаруллах” тобу  Тажикстандын Тоолуу Бадахшан автономиялуу аймагынын жана Хатлон облусунун Шамсиддин Шохин районунун бир бөлүгү болгон Дарваз аймагы…

Токиого жакын жерде күчү 5,9 баллга жеткен жер титирөө болуп, жабыркагандардын саны 32ге жетти. Бул тууралуу өрт өчүрүү кызматынын маалыматына таянуу менен Киодо агенттиги жазды. Маалыматка караганда, үч адамдын абалы оор деп бааланууда. Жер титирөөдөн кийин Токио линиясындагы поезд кыймылы азырынча калыбына келтириле элек. Бир катар метро линияларында жана шаардык темир жолдордо поезд каттамдары кечиктирилди. Цунами коркунучу жарыяланган жок. Силкинүүнүн очогу 80 чакырым тереңдикте болгон. Жердин силкиниши өлкөнүн 47 префектурасынын 26сында сезилген. Жабыркагандар жана кыйроолор…

“Талибандын” жетекчилиги Душанбе менен болгон чыңалууну дипломатиялык жолдор менен басаңдатууга аракет кылууда. Ооганстанда бийликти басып алган радикалдуу “Талибан” кыймылы Тажикстандын жетекчилиги менен мамиледеги чыңалууну азайтуу үчүн дипломатиялык аракеттерди көрүүдө. Бул тууралуу “Tolo News” телеканалы Ооганстандын Маалымат жана маданият министрлигине таянуу менен билдирди. “Тышкы иштер министрлиги бардык өлкөлөр менен байланышта жана алар менен жакшы мамилелерди курууга аракет кылууда”, – деди “Талибандын” маданий иштер боюнча комиссиясынын мүчөсү Рохулла Омари. Мындан тышкары, ал Тажикстан Ооганстан үчүн жакшы коңшу…