Бириккен Улуттар Уюмунун Экономикалык жана социалдык иштер департаменти “Дүйнө калкынын келечеги 2022” баяндамасын жарыялады.
Дүйнө калкынын саны ноябрда 8 миллиардга жетет.
Бириккен Улуттар Уюмунун Экономикалык жана социалдык иштер департаменти тарабынан жарыяланган “Дүйнө калкынын келечеги 2022” баяндамасына ылайык, 2022-жылдын 15-ноябрында дүйнө калкынын саны 8 миллиардга жетет.
Отчетто дүйнө калкынын 2030-жылы 8,5 миллиардга, 2050-жылы 9,7 миллиардга, 2080-жылы 10,4 миллиардга жетээри жана 2100-жылга чейин бул деңгээлде кала турганы болжолдонду.
Отчеттогу маалыматка караганда, өлкөлөрдүн орточо жашы 19дан (Сахаранын түштүгүндөгү Африка) 42ге (Европа жана Түндүк Америка) чейин өзгөрөт.
Ошондой эле 2019-жылы глобалдык жашоонун узактыгы 72,8 жашка жетип, 1990-жылдан бери дээрлик 9 жылга жакшырганы белгиленди.
2050-жылга чейин Африка континентинде дүйнөдөгү бардык жаштардын үчтөн бир бөлүгү (15-24) жашайт деп болжолдонууда.
