Украинада атайын аскердик операция башталгандан бери өлкөдөн 2 миллиондон ашуун адам чыгып кетти. Бул тууралуу БУУнун Качкындар боюнча Жогорку комиссары Филиппо Гранди Твиттерден билдирди. “Бүгүн Украинадан качкындардын агымы эки миллион адамга жетти. Эки миллион”, — деп жазган ал. БУУнун Качкындар иши боюнча агенттигинин маалыматы боюнча, Польшага 1,2 миллиондон ашуун адам, Венгрияга 191 миңден ашуун, Словакияга 140 миң, Орусияга 99 миң, Молдовага 82 миң, Румынияга 80 миңден ашуун адам кетсе, башка европа өлкөлөрүнө – 200 миңден ашык адам…

Австралиянын чыгышында бороон жана селден миңдеген адамдар үй-жайсыз калышты. Бул тууралуу Австралиянын маалымат каражаттары жергиликтүү булактарга таянуу менен билдиришкенин чет элдик маалымат каражаттары жазышты. Өлкөнүн чыгыш тарабында акыркы күндөрү жүргөн катуу сел жана бороондон оор жоготуулар болгон. Акыркы күндөрү Австралиянын чыгыш жээгинде кеминде үч жерде катуу сел коркунучу жарыяланып, миңдеген адамдар үйлөрүн таштап кетүүгө аргасыз болушкан. Өлкө бийлиги буга чейин Сиднейдин он миңдеген тургундарын коргонуу үчүн үйлөрүн таштап кетүүгө чакырган. Алдын ала маалыматтарга караганда, селден…

Коммерциялык банктар жана акча алмаштыруу жайлары валюта курсун жаңылашты. 9-март, саат 16.00дө максималдуу сатуу 103 сомду, сатып алуу 100 сомду түздү. Valuta.kg сайтынын маалыматына ылайык, 9-март түштөн кийинкиге карата доллар орточо эсеп менен алганда 95,83 сомдон сатылып алынып, 102,33 сомдон сатылып жатат. Ал эми Улуттук банктын расмий курсу 97 сом 67 тыйын боюнча калууда. Ал эми евро 11223 сом болсо, рубль 1,062 сомдон сатылууда.

АКШнын мамлекеттик катчысынын саясий маселелер боюнча орун басары Виктория Нуланд Украинада биологиялык изилдөө  объектилери бар экенин жана АКШ алардын орусиялык күчтөрдүн көзөмөлүнө түшүп калбашы үчүн иш алып барып жатканын ырастады. Мындай билдирүүнү ал АКШ Конгрессинин Сенатынын тышкы иштер комитетинде угууда Украинада химиялык курал барбы деген суроого жооп берип жатып билдирди. Бул тууралуу ТАСС жазды. “Украинада биологиялык изилдөө объектилери бар, чындыгында, биз азыр орус аскерлери аларды көзөмөлгө алууга аракет кылышы мүмкүн деп абдан тынчсызданып жатабыз. Андыктан биз украиндер…

Иран “Нур-2” деп аталган спутнигин космоско ийгиликтүү учурганын, аппарат орбитага жеткенин билдирди. Спутникти учуруу иш-чарасында сөз сүйлөгөн Иран Ислам революциясынын сакчылар корпусунун башкы командачысы, генерал-майор Хусейн Салами Иран космоско спутник учурган алгачкы мусулман өлкөсү экенин белгиледи. Генерал космосто болуу дүйнөнүн өнүккөн өлкөлөрүнүн критерийлеринин жана көрсөткүчтөрүнүн бири экенин баса белгилеп, “Биз кайрадан асмандан көз салып, космостон жерди карай алганыбыз чоң жетишкендик”, – деди. Ал иран элинин уулдары эл аралык санкцияларга карабастан өз күчүнө таянып космоско спутник учура алганы…