21-августта Жер планетасына кооптуу делген 2016 AJ193 астероиди жакындайт. Бул тууралуу Москва планетарийи билдиргенин чет элдик басылмалар жазышты. Адистеринин айтымында, астероид Жер планетасынын жанынан учуп өтөт. Аталган планетарийдин берген маалыматына караганда, NASA уюмунун эксперттери 2016 AJ193 астероиди 21-августта Жерге болжол менен 3,4 миллион чакырым жакындай турганын билдиришкен. Анын көлөмү болжол менен 1,4 чакырым деп эсептелүүдө. Астероиддер – жерге жакындаган асман телолорунун бүтүндөй бир классы. Алардын жакынкы келечекте Жер планетасына 7,5 миллион чакырым же андан да…

Ооганстандагы бийликтин Талибан  кыймылына өтүшү бүткүл дүйнө коомчулугу үчүн күтүүсүз болду, эми Талибанды бүгүн ким жетектеп жатат деген негизги суроо жаралат. Көптөгөн өлкөлөрдө тыюу салынган Талибандын негизги лидерлери тууралуу Sputnik Азербайжан жазды. Мулла Ахундзаде – кыймылдын жогорку лидери Беш жыл мурун талиптер өздөрүнүн жогорку лидери катары мусулман дин аалымы Мулла Хайбатулла Ахундзадени тандашкан. Ал Ооганстан-Пакистан чек арасына жакын жерде АКШнын куралдуу күчтөрүнүн операциясы учурунда дрондон жасалган чабуулдун натыйжасында өлтүрүлгөн Ахтар Мансурдун ордуна келген. Хейбатулла Ахундзаде 1961…

“Талибан” бийликти колго алгандан кийинки алгачкы саясий чечимдерин жарыялады. Алар аялдарды Ооганстандагы болочок өкмөттү башкарууда катышууга чакырышаарын жана өкмөттө иштегендерди кысымсыз кайра жумушка алышаарын билдиришти. Бул тууралуу “Талибан” администрациясынын мүчөсү Энамулла Самангани телеканал аркылуу чыгып сүйлөдү.“Биз шарыятка ылайык гана иш жүргүзүп, андан аша чапкан мыйзамдары киргизбейбиз. Мисалы, аялдар мурдагыдай үйдө камалып отурушпайт, окуганга уруксат берилет жана толук чүмкөнүү шарт эмес”,- деди ал.Белгилей кетсек, 1996-2001-жылдары талибандар Ооганстанды башкарып турушканда аялдарга карата талаптар алда канча катаал болуп, шарыяттан оолак…

Анкара Ооганстанда бийликти басып алган радикалдуу “Талибан” кыймылынын билдирүүлөрүн оң кабыл алат. Бул тууралуу Түркиянын тышкы иштер министри Мевлүт Чавушоглу билдирди. Анын айтымында, түрк бийлиги Ооганстандын экономикалык өнүгүүсүн жана ал жерде тынчтык жана бейпилдикти орнотууну колдоону уланта берет.“Азыркы учурда, биз талибандардын билдирүүлөрүн позитивдүү кабыл аларыбызды айткыбыз келет. Биз бардык тараптар, анын ичинде талибандар менен диалогду улантуудабыз”, – деди дипломат.Белгилей кетсек, буга чейин Чавушоглу Анкара Түркиянын Ооганстандагы дипломатиялык өкүлчүлүктөрү боюнча бардык зарыл чараларды көргөнүн жана Түркиянын Кабулдагы элчилиги өз…

Ооганстандагы кырдаал Ак үйдүн башчысын капалантууда, бирок ал республикадан аскерлерди  чыгаруу чечимине өкүнбөйт. АКШнын Ооганстанда согушка даяр армияны түзүүгө багытталган чаралары ийгиликсиз болду. Бул тууралуу Ак үйдүн башчысы Жо Байден телекөрсөтүү аркылуу элге кайрылуусунда билдирди. Байдендин айтымында, Америка ооган армиясын машыктырууга триллиондогон доллар жумшап,  курал-жарак берген. Бирок, Кошмо Штаттары армияга жеңишке болгон эрктүүлүктү бере алган жок. Армия кыйрады, бийлик багынып, качып кетишти. Ак үйдүн башчысы америкалык аскерлерди Ооганстанга киргизүүнүн максаты АКШдагы террордук чабуулдарды алдын алуу…

14-15-августта Өзбекстандын аба мейкиндигин бузган Ооганстандын 22 аскердик учагы менен 24 аскердик тик учагы Термездеги эл аралык аэропортко мажбурлап кондурулган. Бул тууралуу Өзбекстандын Башкы прокуратурасынын басма сөз кызматы билдирди. Ведомствонун маалыматы боюнча, учактардын ичинде Ооганстандын 585 куралчан аскер кызматкери болгон. Маалыматта белгиленгендей, 15-августта Ооганстандын үч “EMBRAYER-314” учагы Каршидеги  “Ханабад” аэропортуна конууга уруксат сураган. Алар Термез аэропортуна конууга буйрук алышкан. Учактарды коштоо үчүн асманга эки МИГ-29 учагы көтөрүлгөн. Учактарды коштоо учурунда Сурхандарыя облусунун Шерабад районунда Ооганстандын…

Президент Садыр Жапаров Абу-Дабинин мураскер ханзаадасы, шейх Мухаммед бин Заид Аль Нахаян менен телефон аркылуу сүйлөштү. Кыргыз Республикасынын Президенти Садыр Жапаров  16-августта, Абу-Дабинин мураскер ханзаадасы, Бириккен Араб Эмираттарынын (БАЭ) Куралдуу күчтөрүнүн Башкы колбашчысынын орун басары, шейх Мухаммед бин Заид Аль Нахаян менен телефон аркылуу сүйлөштү. Бул тууралуу КРнын Президентинин Аппаратынын маалымат кызматы билдирди. Өлкөлөр ортосундагы соода-экономика жана инвестиция чөйрөлөрүндөгү кызматташтыкты өнүктүрүүнүн актуалдуу маселелери, ошондой эле коронавирус инфекциясынын жайылышы жана илдетке каршы күрөшүү боюнча биргелешкен чаралар талкууланды.  Мамлекет башчысы эки…

16-августта Батыш Казакстан облусунун Байтерек районундагы талаада башталган өрт жакын жайгашкан токойго өтүп, жалын каптаган аянт 21 гектарга жетти. Облустук өзгөчө кырдаалдар департаментинин маалыматына караганда, алгач Байтерек районундагы талаада куураган чөп күйө баштаган. Кечке жакын жалын Орол дарыясынан өтүп, Теректин районундагы токойго жайылган. Учурда жакын жайгашкан айылдардын тургундары үчүн эч кандай коркунуч жок. Экоактивисттер акыркы кездери облуста катталып жаткан өрттүн көбөйгөнүн ысык аба ырайы жана Орол дарыясынын тайыздап жатканы менен байланыштырууда. — Жайдын өтө ысыктыгы…

Ооганстандын президенти Ашраф Гани Кабулдан акчага толтурулган унаалар менен качкан, өзү менен кошо алып кете албай калган акчалар аэропорттун учуу тилкесинде калган. Бул тууралуу РИА Новостиге Орусиянын эличилигинен билдиришти. Дипломатиялык миссиянын басма сөз катчысы Никита Ищенконун айтымында, Ашраф Гани өлкөдөн акчага толтурулган төрт унаа менен качып кеткен, акчалардын башка бөлүгүн тик учакка салууга аракет кылышкан, бирок баары батпай калып, акчалардын бир бөлүгү учуу тилкесинде калган. Ооганстандагы кырдаал өзгөчө акыркы жумаларда талибан ири шаарларга чабуул кое…

Ооганстандын Жогорку Жарашуу Кеңешинин башчысы Абдулла Абдулла өлкөнүн президенти Ашраф Ганинин өлкөдөн чыгып кеткенин кескин сынга алып, Ооганстандагы азыркы кырдаал үчүн аны күнөөлөдү. Белгилей кетсек, Абдулла Абдулла Фейсбуктагы баракчасына видео кайрылуу жарыялап, качып кеткен президентти сындап, аны учурдагы кырдаалга күнөөлөдү. Ооган элин сабырдуулукка чакырган башчы,  Ооганстандын коопсуздук күчтөрүн өлкөнүн ички коопсуздугун, айрыкча Кабулда камсыз кылуу үчүн бардык күч -аракетин жумшоосун талап кылды.Эске салсак, 15-августта талибандардын Кабул шаарын курчоо убагында президент Ашраф Гани өлкөдөн чыгып кеткен. Берилген маалыматтарга ылайык,…

Кечээ, 15 -августта 72 жашында Өзбекстан мусулмандар башкармалыгынын төрагасы, муфтий Усмонхон Темирхон углы Алимов каза болду. Бул тууралуу Өзбекстан дин башкармалыгынын басма сөз кызматы билдирди. Буга чейин Усмонхон Алимов пневмониядан Москвада дарыланып жатканы кабарланган. Белгилей кетсек, У. Алимов 1950-жылы  1-январда Самарканд облусунун Иштихан районунда туулган. 1982-1983-жылдары Бухара шаарындагы Мир Араб медресесинде, 1983-1987-жылдары Ташкент Ислам институтунда, 1989-1990-жылдары Карауиин университетинде (Марокко) окуган.Ал эми, 1987-2000-жылдары Самарканд облусунун Пайарик районундагы Имам аль-Бухари мечитинде имам болуп иштеген.2000-жылдын январында Самарканд облусунун муфтийи болуп дайындалган.Эске салсак,…

“Талибан” кыймылы Ооганстанда 20 жылдан бери уланып келе жаткан согуш аяктаганын жар салды. Бул тууралуу аталган топтун расмий өкүлү Мухаммед Наим Al Jazeera телеканалына берген маегинде билдирди.Ал өлкөдө башкаруу формасы жакында белгилүү болорун айтып, “Биз 20 жыл мурун өлкөбүздө башталган согушту токтоттук”, – деди.Анын айтымында, Талибан ооган лидерлери менен диалог жүргүзүүгө даяр жана аларды коргоого убада беришүүдө. Ошондой эле, өлкөнүн жашоочулары менен чет элдик дипломаттардын коопсуздугуна кепилдик берилерин баса белгиледи.Мындан тышкары, аталган топ эл аралык коомчулуктагы маселелерди…

Быйыл Кыргызстан өлкөнүн эгемендүүлүгүнүн 30 жылдыгын белгилейт. 30 жылдын ичинде Кыргызстандын борборунда – Бишкек шаарында 21 мэр алмашты. Орточо эсеп менен бир мэр бир жарым жыл иштеди.1.  Акматбек Нанаев эгемендүү Кыргызстандын Бишкек шаарынын биринчи мэри. Анын башкаруусунда 1991 -жылдын 5 -февралында Фрунзе Бишкек болуп өзгөртүлгөн. Ал шаарды 1990 -жылдан 1991 -жылга чейин башкарган.2.  Абдыбек Суталинов 1991-1992 -жылдары Бишкек шаардык кеңешинин төрагасы болгон.3.  Өмүрбек Абакиров 1992-1993 -жылдары Бишкек шаардык мамлекеттик администрациясынын башчысы болгон.4.  Жумабек Ибраимов 1993…

Гаити мамлекетинде каттуу жер титирөө катталды. Бул тууралуу чет элдик басылмалар жазышты.14-августта өлкөнүн түштүгүндө күчү 7,2 баллга жеткен жер титирөө катталып, өлкөдө бир айга өзгөчө кырдаал жарыяланды.Маалыматка караганда, тибият кырсыгынан 1300дөй адам каза болгон жана миңдеген адамдар жаракат алган.Жереми жана Ле-Ке шаарларындагы турак жайлардын көбү кыйрап, жараксыз абалга келген.Жер титирөөнүн күчү Багам аралдарында, Доминикан Республикасы, Ямайка, Пуэрто-Рико, Теркс жана Кайкос аралдары, АКШнын сырткы аралдарында жана Кубада да сезилген.Бул жаратылыш кырсыгы 2021-жылдагы эң күчтүү жана эң…