Россия Сауд Аравияны жана Иракты артта калтырып, Индияга эң көп мунай экспорттогон өлкөгө айланды. Бул тууралуу Vortexa компаниясынын аналитиктери билдиргенин РИА Новости жазды. “Октябрь айында Россия Индияга күнүнө 946 миң баррелден мунай жеткирген. Бул бир айдагы эң жогорку көрсөткүч жана Индиянын жалпы чийки мунай импортунун 22 %ын түзөт. Ошол эле учурда октябрь айындагы жеткирүүлөрдүн 20,5%ы  Иракка, 16%ы туура келген”, – деп жазылат маалыматта. Аналитиктердин эсептөөсүнө ылайык, өткөн айда Индияда чийки мунай импортунун жалпы көлөмү сентябрга салыштырмалуу 5…

Кытайда COVID-19дан улам Шанхай шаарында жайгашкан Диснейленд паркынан миңдеген адамдардын чыгуусуна тыюу салынды. Бул тууралуу Daily Mail жазды. Daily Mail  жарыялаган видеодон парктын коноктору Диснейлендден кетүүгө аракет кылып, дарбазага чуркап барышканын, бирок дарбаза жабылып калганын көрүүгө болот.  Шаар бийлиги парк зыяратчыларынын кирип-чыгуусуна тыюу салынганын билдирип, парктагылардын арасында вирус жугузуп алгандар бар экенин айтып, тест тапшырып, анын жыйынтыгы чыкканга чейин оюн-зоок комплексинин аймагында калууга буйрук берди. Паркка күнүнө 60 миңге жакын адам келет. Маалыматка караганда, паркта 34 миңдей…

 Ысык-Көл облусундагы Ак-Шыйрак тоо кыркасында жайгашкан №354 мөңгүгө “шейх Заед бин Султан Аль Нахайян” географиялык аталышы ыйгарылды. Бул тууралуу өлкө башчысынын басма сөз катчысы Эрбол Султанбаев соцтармактагы баракчасына жазды. Анын маалыматына ылайык, бул маалыматты КР президенти Садыр Жапаров Бириккен Араб Эмираттарынын президенти, шейх Мухаммед бин Аль Нахайян менен жолугушуусу учурунда айткан. Мамлекет башчысы Мухаммед бин Заед Аль Нахайянга географиялык аталышты ыйгаруу жөнүндө сертификат менен аталган мөңгү чагылдырылган картинаны тапшырды. Мухаммед бин Аль Нахайян сууну сарамжалдуу…

  Ооганстанда Талибан кыймылы бийликке келгенден бери апийим өстүрүлгөн аянт 2021-жылга салыштырмалуу 32%га көбөйдү. Бул тууралуу Бириккен Улуттар Уюмунун Баңгизаттар жана кылмыштуулук боюнча башкармалыгынын баяндамасында айтылат. Маалыматка караганда, талиптер ушул жылдын апрель айында Ооганстанда апийим өстүрүүгө тыюу салгандан бери ага болгон баа кескин жогорулаган. Ал эми Талибан өкмөтү маңзатка тыюу салганына карабастан, өлкөдө апийим өстүрүү 32%га өскөн. Документке ылайык, 2022-жылы Ооганстанда 233 миң гектар жер апийим өстүрүүгө пайдаланылган. Бул Талибан бийликке келгенге чейинкиден 56 миң гектарга көп….

Президент Садыр Жапаровдун Бириккен Араб Эмираттарына болгон иш сапарынын алкагында Дубайда жайгашкан эң бийик “Бурдж-Халифа” имараты Кыргызстандын туусунун түсүнө боёлду.  Садыр Жапаров 30-октябрдан 1-ноябрга чейин Бириккен Араб Эмираттарында иш сапары менен болуп, анын алкагында бир катар маселелер талкууланды.  Эскерте кетсек, “Бурдж-Халифа” имараты Дубайда жайгашып, бийиктиги 828 метрди түзүп, дүйнөдөгү эң бийик имарат болуп эсептелет.