Тез эле дүйнөнүн бир нече мамлекетине тарап, коомчулукту тынчсыздандырган «омикрон» вирусунун мутациясы аныкталды. Бул тууралуу чет элдик маалымат каражаттары жазышты. «Омикрондун» мутациясы учурда Түштүк Африкада, Австралияда жана Канадада табылган. Австралияда аталган штамдын мутациясы Түштүк Африкадан келген адамдан аныкталган. Ага BA-2 деген ат беришкен жана ал «омикрон» сыяктуу жугуштуу болушу мүмкүн экени айтылууда. Өлкөнүн Саламаттыкты сактоо министри Питер Эйткендин айтымына караганда, омикрондун жаңы вариантында геномдук мутациялардын жарымына жакыны гана болгондугуна байланыштуу аны кадимки ыкмалар менен аныктоо кыйын. Бирок,…

Ирандын президенти Ибрахим Раиси жакынкы айларда Москвага иш сапары менен барышы мүмкүн.  Бул тууралуу орус ЖМКлары жазды. Бул тууралуу Орусия мамлекетинин башчысы Владимир Путин Грециянын премьер-министри Кириакос Мицотакис менен болгон сүйлөшүүлөрүнүн жыйынтыгында билдирди. “Биз Иран маселеси боюнча сүйлөштүк, Ирандын президенти менин чакыруумду кабыл алып,   келерки жылдын башында Орусияга сапары менен келет деп ишенем”, – деди Путин.   Путиндин айтымында, Грециянын премьер-министри менен болгон жолугушууда Ирандын өзөктүк программасы боюнча маселе талкууланган. Путин ирандык кесиптеши Раисинин Орусияга боло турган сапары 2022-жылдын башында күтүлүп…

Денау шаарындагы Indenim соода борборундагы жарылуудан 65 үй зыянга учурады. Бул тууралуу Сурхандарыя облусунун башчысы Тура Боболов билдирди. Акимдин айтымында, жарылуунун кесепетинен алты үйдүн дубалдарынан жарака кетип, жашоого мүмкүн болбой калган. Боболов зыянга учураган үй ээлерине бийлик жардам берерин билдирди. Алдын ала маалыматтар боюнча, жарылуу имаратта газ приборлорунун узак мөөнөткө иштешинен жана ысып кетишинен чыккан болушу ыктымал. Буга чейин Indenim соода борборунда жарылуу 7-декабрга караган түнү болгону кабарланган. Расмий маалымат боюнча эки киши өлүп, тогузу жаракат алган.

Мындай жыйынтык 5 миңге жакын эмгек мигранты катышкан социологиялык изилдөөдөн кийин алынган. Бүгүнкү күндө Орусиядагы эмгек мигранттарынын орточо айлыгы дээрлик 50 миң рублга жетет.  Бул тууралуу Орусиянын Мигранттар федерациясынын президенти Вадим Коженов билдирди. Маалыматтар 2021-жыл ичинде чогултулган. Изилдөөгө Орусияда эмгектенген Тажикстан, Кыргызстан жана Өзбекстандын 4739 жараны катышкан. Сурамжылоонун жыйынтыгы боюнча, мигранттар орто эсеп менен айына 47 100 рубль алаары белгилүү болду. Сурамжылоого катышкандар алар каалаган айлык 77 200 рубль экенин айтышкан. Коженов белгилегендей, орус тилин жакшы билген…

Кыргызстан калк үчүн эң арзан электр энергиясы боюнча дүйнөлүк рейтингде төртүнчү орунду ээледи. Ресурстардын баасын Cable.co.uk порталынын британиялык эксперттери талдап чыгышты. Изилдөчүлөрдүн маалыматы боюнча, Кыргызстанда бир киловатт-саат электр кубаты 0,017 доллар турат. Ал эми Тажикстанда электр энергиянын баасы Өзбекстандыкынан арзан жана Кыргызстандын ресурстарынан кымбат болгон. Алсак, Тажикстанда бир киловатт-саат 0,023 доллар болуп 6-орунда, Ташкент 7-орунда (0,027 доллар), Казакстан 16-орунда (0,039 доллар), Орусия 22-орунда (0,050 доллар) турат. Ошол эле учурда дүйнөдөгү эң арзан электр энергиясы Ливияда….

Германиянын Социал-демократиялык партиясынын лидери Олаф Шольц республиканын жаңы канцлери болуп шайланды. Ал бул кызматка немис парламенти – бундестагдын жыйынында шайланганын чет элдик басылмалар жазышты. Германиянын президенти Франк-Вальтер Штайнмайер Шольцко канцлер кызматына дайындоо тууралуу расмий грамотаны тапшырды. Салтанат президенттик Бельвю сарайында өттү. Шольцко 395 депутат добуш берген. Шольцтун жаңы канцлер болуп бекитилишин 736 депутаттын кеминде 369у колдошу керек болчу. Шольц акыркы 16 жылдан бери канцлер болуп келген Ангела Меркелдин ордуна Германиянын өкмөт башчысы болуп келди. Акыркы үч жылда ал вице-канцлер жана каржы…

Габричевский Роспотребнадзор атындагы Москванын эпидемиология жана микробиология илим-изилдөө институтунун директорунун клиникалык иштер боюнча орун басары, медицина илимдеринин доктору Татьяна Руженцова РИА Новостиге берген маегинде коронавирустун омикрон штаммынын негизги белгилерин атады. Анын айтымында, жаңы штамдын белгилерине катуу алсыздык, ысытма, баш оору, жөтөл жана табиттин жоголушу кирет. “Азыркы учурда, оорунун жүрүшүн талдоо боюнча, биз биринчи кезекте бейтаптардын көпчүлүгүнөн катуу алсыздык же чарчоону, дене температурасынын 38 градуска чейин жана андан жогору көтөрүлүшүн, баш оору, табиттин төмөндөшү жана жөтөлдү байкадык”, –…

Францияда саудиялык журналист жана акын Жамал Хашоггинин өлүмүнө шектүү адам камакка алынды. Бул тууралуу жергиликтүү басылмалар кабарлашты. Маалыматка караганда, падышалык гвардиянын 33 жаштагы аскери Халед Айед аль-Отайби 7-декабрда Париждин “Шарль-де-Голль” аэропортунда кармалган. Ал Түркия бийлиги Хашоггинин иши боюнча издеп жаткан 26 саудиялыктын бирөө болуп эсептелет. Мухаммед бин Салмандын авторитардык саясатын аёосуз сындап келген жана The Washington Post гезити менен кызматташкан Хашогги 2018-жылы октябрда — Сауд Арабиясынын Стамбулдагы консулдугуна документ алуу үчүн келгенде өлтүрүлүп, сөөгү жиликтелген. Буга чейин АКШнын Улуттук чалгын…

БШК Жогорку Кеңештин депутаттарын шайлоодогу добуштарын кол санак менен эсептөөнүн 100 пайыздык жыйынтыгын серверге киргизип бүттү. Боршайкомдун бюллетендерди эсептөөнү онлайн режиминде көрсөткөн порталынан шайлоодо талапкер көрсөткөн 21 партиянын алтоо 5 пайыздык босогодон өткөнүн көрүүгө болот. 1. «Ата Журт Кыргызстан» — 17,30% (223 миң 892 добуш); 2. «Ишеним» — 13,63% (176 миң 382 добуш); 3. «Ынтымак» — 10,99% (142 миң 267 добуш); 4. «Альянс» — 8,34% (107 миң 859 добуш); 5. «Бүтүн Кыргызстан» — 7,04% (91…

Токтогул суу сактагычында агып кирген сууга караганда, агып чыккан суунун көлөмү көп болууда. Бүгүн, 7-декабрда суу сактагычтагы суунун көлөмү 10 млрд. 874 млн. куб метрди түздү. Бул тууралуу «Электр станциялары» ААК маалымдады. Маалыматка ылайык, суунун агып келиши секундасына 147 куб метрди түзсө, агып чыккан суунун көлөмү 422 куб метрге жетүүдө. Быйыл суунун аздыгынан Кыргызстан энергетикалык каатчылыкка кабылды. Энергетиктер жылытуу мезгилинен кийин суу сактагычта 6-7 миллиард куб метр гана суу калышы мүмкүн деп чочулашууда. Бул Токтогул…

Британиянын өзгөчө кырдаалдар боюнча илимий-кеңеш тобунун (SAGE) окумуштуулары, адистери коронавирус пандемиясы канчага чейин созуларын божомолдошту. Алардын пикиринде, COVID-19 кеминде 2026-жылга чейин коркунуч жаратат. Алардын бул боюнча билдирүүсү уюмдун расмий сайтында жарыяланды. “SARS-CoV-2 саламаттыкты сактоо системасына мурдагыдай эле коркунуч жаратып, эмдөө менен маалыматтарга кеминде беш жыл ичинде тыкыр көз салууну талап кылат”, – деп айтылат билдирүүдө. Ошол эле учурда, адистер эгер эмдөө, эпидемиологиялык көзөмөл жана инфекциянын жайылышын глобалдык ооздуктоо боюнча иш-чаралар жетиштүү натыйжалуу болбосо, оору андан…

Өзбекстандын Сурхандарыя облусунун Денау шаарындагы “Инденим” соода борборунда 7-декабрда жергиликтүү убакыт боюнча таңкы саат 3:57де катуу жарылуу болуп, андан соң өрт чыкты. Окуядан бир киши каза таап, 9 адам жабыркады. Бул тууралуу Өзбекстандын Өзгөчө кырдаалдар министрлиги билдирди. Жарылуудан улам соода борборунун дубалдары урап түшкөн. Окуя болгон жерге өрт өчүрүүчүлөр жана куткаруучулар барышкан. Өрт саат 04:25те өчүрүлгөн. Жабыркагандар шаардык ооруканага жеткирилген. Учурда бул окуя боюнча алдын ала иликтөө иштери жүрүп жатат.

“ЕАЭБ менен Ирандын ортосундагы убактылуу макулдашуунун ишке ашырылышы эки тараптын тең соода-сатыгынын көлөмүнө жакшы таасирин тийгизет”, – деди Евразия экономикалык комиссиянын (ЕЭК) соода боюнча министри Андрей Слепнев. ЕЭКтин басма сөз кызматы билдиргендей, министр Ирандын Орусиядагы элчиси Казем Жалали менен жолуккан. Тараптар Евразия экономикалык биримдиги менен Ирандын ортосундагы эркин соода жүгүртүүгө шарт түзгөн убактылуу келишим соода-экономикалык кызматташтыкты өнүктүрүүгө өбөлгө болорун белгилешкен. “2021-жылдын январь-август айларында ЕАЭБ менен Ирандын ортосундагы соода жүгүртүү өткөн жылдын ушул мезгилине салыштырмалуу дээрлик 60%га өскөн. ЕАЭБге…