Кыргызстанда COVID-19 коронавирустук инфекциясынын төртүнчү толкуну башталганын Саламаттыкты сактоо министрлигинин басма сөз кызматы билдирди. Ведомствонун маалыматы боюнча, өлкөдө жаңы “омикрон” штаммынын эки учуру – Бишкек шаарында жана Чүй облусунда катталды. Акыркы суткада өлкөдө коронавирус жуктуруунун 465 жаңы учуру аныкталып, илдетке чалдыгуунун өсүү тенденциясы байкалууда. Эске салсак, буга чейин Өзбекстанда “омикрон” штаммын жуктуруунун алгачкы учуру аныкталганы маалымдалган. Республиканын Саламаттык сактоо министрлигинин басма сөз кызматы “омикрон” штаммы 7-январда Өзбекстанга чет өлкөдөн келген чет элдик жарандан аныкталганын билдирген.

Талибан Өзбекстан менен Тажикстанга эскертүү берип, Ооганстанга тиешелүү учактарды тез арада кайтарып берүүлөрү керектигин билдирди. “Өзбекстан менен Тажикстан биздин сабырыбызды сынабай учактарды өздөрү өткөрүп бергени жакшы. Болбосо бул өлкөлөр терс кесепеттерге дуушар болот”, – деп билдирди өлкөнүн Коргоо министринин милдетин аткаруучу мулла Якуб. Бул тууралуу маалыматты чет элдик басыламалар жазып чыгышты. Ошондой эле, билдирүүдө талиптер чет өлкөгө качып кеткен аскер кызматкерлерин жана учкучтарын мекенине кайтып келүүгө чакырары жазылган. Маалыматка караганда, Талибан мурдагы  өкмөткө караганда аларга жакшы…

Түштүк Кореянын Кванжу шаарында курулушу толук бүтө элек көп кабаттуу имараттын бир тарабы урап түштү. Кырсыктан 3 адам жаракат алып, 6 адам дайынсыз болууда. Бул тууралуу чет элдик басылмалар жазышты. Жергиликтүү басылмалардын маалыматына караганда, 39 кабаттуу турак жай комплексинин фасадынын бир бөлүгү урап түшкөн. Кырсык болгон учурда курулушта 400дөй адам болгон, жумушчулардын дээрлик бардыгы эвакуацияланган. Маалыматта 24 жана 31-кабаттарда иштеген алты адам дайынсыз болуп жатканы айтылат. Имарат дагы көчүп түшүшү мүмкүн деген кооптонуулардан улам аларды…

Казакстандын борбору Нур-Султан шаарында 160тан ашуун чет элдик жаран шаарда мыйзамдуу жүргөндүгүн текшерүү үчүн полицияга жеткирилгенин полиция департаменти билдирди. Маалыматка караганда, полициянын участкалык инспекторлору ижарага алынган батирлерди, турак жайларды жана хостелдерди текшерип жатышат.“Чет өлкөлүк 161 жаран борбор калаада мыйзамдуу жүргөндүгүн текшерүү үчүн полицияга алынып келинди”, — деп айтылат Нур-Султан шаарынын полиция департаментинин Instagram баракчасында. Казакстанда массалык нааразылык акциялары 2-январда башталып, өлкөнүн батышындагы Жаңы-Өзөн жана Актау шаарларынын тургундары суюлтулган газдын эки эсе кымбатташына каршы чыгышкан. Кийинчерээк…

Бир учурда бир нече аскердик эксперттер Жамааттык коопсуздук келишими уюмунун бейпилдик күчтөрүн Казакстанга жөнөтүү чечими республикадагы курчуп кеткен кырдаалды турукташтырууда чечүүчү роль ойноду деген ойду айтышты.   “Национальная оборона” журналынын башкы редактору Игорь Коротченко белгилегендей, ЖККУнун бейпилдик контингенти киргизилгенден кийин Казакстандын күч түзүмдөрү жана аскер кызматкерлери өлкөдө укук тартибин орнотуп, өлкө боюнча чыңалууну басаңдатууну камсыз кылды. Токаевдин өтүнүчү менен ЖККУнун бейпилдик күчтөрү Казакстанга жөнөтүлөт “Бул бейпилдик күчтөрүн киргизүү кырдаалды турукташтырууда маанилүү аскердик-саясий фактор болгонунан кабар берет”, –…

10-январга карата Токтогул суу сактагычындагы суунун көлөмү 9 млрд. 859 млн. куб метрди түздү. Бул тууралуу «Электр станциялары» ишканасынын маалымат кызматы кабарлады. Ушул тапта суу сактагычка секундасына 138 куб метр суу агып кирсе, андан 547 куб метр суу агып чыгууда. Былтыр март айынын аягында «Токтогулда» суунун көлөмү 8 миллиард куб метрге чейин азайган. Суу 6 миллиард куб метрге түшсө, ГЭС авариялык абалга кабыла турганын энергетиктер эскертип келет. 2021-жылдын 15-октябрынан тартып электр энергиясы жана жылуулук үчүн…

Алматыда орун алган башаламандыкта Кыргызстандын жараны каза болду. Бул тууралуу маалыматты Кыргызстандын Казакстандагы элчиси Дастан Дюшекеев тастыктады. Элчинин айтымында, ал адам фитнес боюнча машыктыруучу болуп эмгектенген. “Анын өздүгүн кесиптештери жана достору тастыктады. Учурда Алматыдагы Башкы консулдук кырсыктын чоо-жайын тактоодо жана маркумдун жакындары менен байланышта болууда”, – деди Дюшекеев. Социалдык тармактарда каза болгон адам Азиз Мусаев болгон деген маалыматтар жарыяланууда. “Ал 6-январда Республика аянтынын жанында жашаган эжесинин үйүнө келе жатканда каза болгон. Анын жубайынын айтымында, Азиз саат 22.30да Cofferoomдун жанында…

Нью-Йорк шаарынын Бронкс районундагы турак жайдан чыккан өрттөн өлгөндөрдүн саны 19 кишиге жетти, алардын ичинен тогузу балдар экени аныкталды. Шаардык өрт кызматынын башчысы аталган тилсиз жоону акыркы он жылдагы эң трагедиялуу окуя деп атады. Нью-Йорк мэринин башкы кеңешчиси Стефан Рингель курмандыктар жөнүндөгү маалыматты тастыктады. Шаардык администрациянын атын атабаган башка бир өкүлү Associated Press агенттигине балдар тууралуу кабарды ырастады. Рингель 50дөн ашуун адам ар кыл деңгээлде күйүк алганын, дагы 13 адамдын абалы оор экенин билдирди. Көбүнүн…

Мухаммад Жаъфар Табаси “Азирети Фатима аз-Захра (а.с) тууралуу шия менен суннилердин 25 орток темасы” деген макаласында мындай деп жазган: Такфирчи ваххабизм медиа пропагандасында Азирети Фатиманын (а.с) жашоосуна тиешелүү болгон окуяларды жана маселелерди жашырууга аракет жасашат жана аларды шийилерге гана тиешелүү, жасалмаланган деп таанытышат.Бирок ишенимдүү жана белгилүү “Ахли сунна” булактары Азирети Захранын (а.с) инсандык макамынын, анын коомдук ишмердүүлүгүнүн жана саясий кеңири позициясын кабарлашкан. Жалпысынан Азирети Фатиманын (а.с) кулк-мүнөзү жана өмүр таржымалы тууралуу шия жана суннит булактарында…

Мындан туура эки жыл мурда, 2020-жылы 3-январда Ирандын генералы, улуттук баатыр Касем Сулеймани АКШнын Багдад эл аралык аэропортунун жанына абадан жасаган соккусунда өлтүрүлгөн. Аймак элинин, дүйнө элинин тынчтыгы үчүн террордук топторго каршы күрөшүп, шейит болгон Сулейманинин жаркын элесине арнап, төмөндө анын өз элине калтырган осуятын жарыялайбыз. Мен диндин принциптерине күбөлүк берем “Күбөлүк берем: Тирилүү – акыйкат, Куран – акыйкат, бейиш менен тозок – чындык, суроолор жана жооптор – чындык, тирилүү, адилеттүүлүк, имамдык, пайгамбарлык – чындык. Кудай! Сиздин…

Ыкчам штаб: Мамлекеттик жана жергиликтүү бийлик органдарына эпидемиологиялык кырдаалдын начарлашы ыктымалдыгына даярдык көрүү тапшырмасы берилди. Министрлер Кабинетинин Төрагасынын орун басары Эдил Байсаловдун төрагалыгы алдында Ыкчам штабдын кезектеги жыйыны өттү. Жыйындын жүрүшүндө Саламаттык сактоо министрлигинин республикадагы эпидемиологиялык абал жана калкты эмдөө боюнча иштердин жүрүшү тууралуу маалыматы угулду. Акыркы суткада 247 коронавирус инфекциясы катталды, алардын көбү Бишкек шаарында жана Чүй облусунда катталган. Саламаттыкты сактоо министри Алымкадыр Бейшеналиев калаадагы саламаттыкты сактоо уюмдарында оорулуулар көбөйгөн учурда 400 резервдик орун даярдала турганын билдирди. Учурда дары-дармектер…

Казакстанда төрт миңдей террорчу кармалганын жергиликтүү “Власть” гезити Казакстандын Ички иштер министрлигине шилтеме кылып жазды. Маалыматка караганда, террорчулардын көбү Алматыда кармалган. “Казакстанда 4000дей террорчу кармалды, кармалгандар көбү Алматыда”,-деп айтылат маалыматта. Мындан тышкары, тазалоо операциясынын жүрүшүндө “100дөн ашуун адамдын ишмердүүлүгүнө бөгөт коюлганы” белгиленет. Ички иштер министрлиги билдиргендей, кармалгандар өмүр бою эркинен ажыратылышы мүмкүн. Казакстанда массалык нааразылык акциялары 2-январда башталып, өлкөнүн батышындагы Жаңы-Өзөн жана Актау шаарларынын тургундары суюлтулган газдын эки эсе кымбатташына каршы чыгышкан. Кийинчерээк нааразылык акциялары…

Казакстанда мародёрлер ишкерлерге канча чыгым келтиргени белгилүү болду. Бул тууралуу казак басылмалары жазып чыгышты. Маалыматка караганда, тополоңдун натыйжасында бизнес объектилерине келтирилген зыян эсептелип чыгып, мародёрлор 200 миллион долларга жакын чыгым келтиргени аныкталды. Болжолу менен 500дөй ишкер жабыр тартканы айтылды. Келтирилген зыяндын көлөмү дагы такталууда. Маалыматта ыктыярчылар муктаж болгондорго гуманитардык жана психологиялык жардам көрсөтүшөрүн, бирок алар өлкөдөгү кырдаал турукташкандан кийин гана ишке киришери айтылды. Бул максаттарда борбордо атайын ыктыярчылардын бирдиктүү координациялык борбору түзүлгөн. Бүгүн, 8-январга карата…

2022-жылы согуш башталышы мүмкүн болгон аймактар ​​аталды. Француз журналисти Ален Фрашон Le Monde гезитиндеги макаласында 2022-жылы куралдуу кагылыш чыгышы мүмкүн болгон аймактардын тизмесин түзгөн. Автордун айтымында, ошондой аймактардын бири Иран. Өзөктүк келишим боюнча сүйлөшүүлөр бир аз жылыш менен кайра жанданды, бирок компромисс үчүн орун кыскаргандан кыскарып баратат. Ошондой эле, Тегеран келишимден бир тараптуу чыгып кеткен АКШнын экс-президенти Дональд Трамптын саясатын унуткан жок, ошондуктан азыр алдын ала шарттарды коюп жатат. Бүгүнкү күндө Иран уранды байытуу деңгээли 60%га жеткирди, ал эми…