Путин менен 3 саат ар кандай маселелер боюнча сүйлөшүп, жакшы макулдашууларга жетиштик. Биринчи кадамда эки өлкөнүн соода деңгээлин 10 миллиард долларга көтөрүү чечими кабыл алынды. Ошондой эле эки өлкөнүн айыл чарба продукциясын жогорку деңгээлде өнүктүрүү чечими кабыл алынды. Биз ошондой эле өнөр жай, коргонуу кызматташтыгы, аэрокосмостук жана космостук кызматташтык тармагындагы мамилелерди өнүктүрөбүз.

Коронавирустун «омикрон» штаммынан сактанууда бардык эле беткаптар натыйжалуу боло бербейт. Бул тууралуу Республикалык штаб билдирди. Штабдан билдиришкендей, сактоочу беткаптарды тагынуу зарылдыгын эч ким жокко чыгара элек жана алардын пайдасы олуттуу бойдон турат. Сактоочу беткапты туура тандоо өтө маанилүү! Кездеме беткаптар: мурдагы штаммдар үчүн кандайдыр бир деңгээлде (Ухань, Британ ж.б.) таасирдүү болчу, «дельта» штаммынын алдында алар начар чыпкалай турганы белгилүү болду. Булар медициналык беткаптарга салыштырмалуу кыйла начар. Медициналык беткаптар: кыйла натыйжалуу сактайт, анткени алар атайын материал – вирустарга…

Бул тууралуу АКШнын геологиялык кызматы билдиргенин чет элдик маалымат каражаттар жазышты. Жер титирөө координацияланган универсалдуу убакыт боюнча саат 02.26да катталган. Жер титирөөнүн эпицентри Сарангаи муниципалитетинен 231 чакырым түштүк-чыгышта, очогу 24 чакырым тереңдикте жайгашкан. Азырынча мүмкүн болгон курмандыктар жана кыйроолор тууралуу маалымат берилле элек.

Иран Орусия менен Бушерде атомдук электр станциясынын жаңы блокторун куруу боюнча сүйлөшүүлөрдү жүргүзүп жатат. Бул тууралуу Press TV телеканалы Ирандын Атомдук энергия боюнча уюмунун өкүлү Бехруз Камалвандиге шилтеме берүү менен кабарлады. “Тегеран менен Москва Бушердеги АЭСте жаңы блокторду куруу боюнча сүйлөшүүлөрдү жүргүзүүдө”, — деп айтылат телеканалдын билдирүүсүндө. Камалвандинин айтымында, бул долбоор Ирандын атомдук энергияны колдонуу аркылуу кеминде он миң мегаватт электр энергиясын өндүрүү планына ылайык келет. “Жакынкы келечекте жаңы долбоорлорду ишке ашыруу үчүн делегация алмашууну күтөбүз”, –…

Сауд Аравия баштаган эл аралык коалициянын аба күчтөрү Йемендин Саада шаарындагы  хуситтер  көзөмөлдөгөн түрмөгө абадан сокку уруп, натыйжада ондогон адамдар набыт болду. Бул тууралуу йемендик “Аль-Масира” телеканалы Саада провинциясынын бийликтерине таянуу менен билдирди. “Ооруканалар каза болгондор менен жарадарларга толуп калды, дары-дармектер жетишсиз болууда”, – деп айтылат провинциянын өкмөтүнүн билдирүүсүндө. Алдын ала маалыматтарга караганда, аба соккусунан 70 адам каза болуп, дагы 138и жаракат алган. Провинциянын бийлиги түрмөгө жасалган соккудан жарадар болгондор үчүн кан тапшыруу өтүнүчү менен…

Коронавирус тери ооруларын күчөтүшү мүмкүн. Бул тууралуу орусиялык врач-онкодерматолог Екатерина Вертиева билдиргенин маалымат каражаттары жазышты. Адис “омикрон” же “дельта” сыяктуу коронавирустун ар кандай штаммдарында бирдей дерматологиялык симптомдор байкалганын айтты. “Коронавирус учурунда бизде эң көп кездешкен бул – уулуу эритема болду. Бул териде кеңири жайылган көк тактардын пайда болушу. Ооздун былжыр челинин жабыркашы же башкача айтканда, ооздо ыйлаакчалар да пайда болушу мүмкүн. Бирок, бул сейрек кездешет. Негизинен териде көк түстөгү тактар пайда болду”, – деди Вертиева. Ошондой эле,…

Европарламенттин депутаттары Евробиримдиктин Кеңешинен адам укуктарын одоно бузган казак аткаминерлерине каршы санкцияларды киргизүүнү жана Казакстандагы болгон тополоң боюнча Эл аралык иликтөө жүргүзүүнү талап кылышууда. Бул тууралуу Казакстандагы соңку нааразылык акциялар жана башаламандыктарга байланыштуу бул өлкөдөгү адам укуктарын коргоонун абалы боюнча жарыяланган Европарламенттин резолюциясынын акыркы долбооруна таянуу менен РИА Новости жарыялады. “Европарламент Евробиримдиктин Кеңешин 2022-жылдын январь айындагы нааразылык акциялар учурундагы олуттуу мыйзам бузуулар үчүн Казакстандын жооптуу жогорку кызмат адамдарына жеке санкцияларды колдонууга чакырат”,-деп айтылат документте. Уюмдун…

Ирандын президенти НАТО көз карандысыз мамлекеттердин ичиндеги кырдаалды туруксуздаштырууга жана алардын экономикасын бузууга аракет кылууда деп эсептейт НАТО террорчуларды Борбор Азияга жайгаштырууну пландап жатат. Бул тууралуу Ирандын президенти Ибрахим Раиси Орусиянын Мамлекеттик Думасындагы жыйында билдирди. “Аларда террорчуларды Кавказдан баштап Борбор Азияга чейин ар кандай миссияларга жөнөтүү боюнча өтө татаал пландар бар”, – деп баса белгиледи ал. Иран президентинин айтымында, НАТОнун негизги максаты – эгемендүү өлкөлөрдү ичинен алсыратуу. Ошондуктан альянс экономикалык санкцияларды киргизип, андагы кырдаалды туруксуздаштырууга аракет кылууда. НАТО башка…

Орусия менен Кыргызстан КР аймагында аз кубаттуу атомдук электр станциясын  курууну макулдашканын “Росатом” мамлекеттик корпорациясы Twitter социалдык тармагынан билдирди. Тиешелүү кызматташуу меморандумуна Орусиянын мамлекеттик корпорациясынын башкы директору Алексей Лихачев менен КРнын энергетика министри Доскул Бекмурзаев 20-январда Дубайда өтүп жаткан ЭКСПО-2020 Бүткүл дүйнөлүк көргөзмөсүнүн алкагында кол коюшкан. Документке ылайык, Кыргызстандын аймагында “РИТМ-200Н” реактордук станциясынын базасында аз кубаттуу атомдук электр станциясын куруу, ошондой эле Кыргызстанга ядердик инфраструктураны өнүктүрүүгө жана жумушчулардын квалификациясын жогорулатууга көмөктөшүү пландалууда. “Декарбонизация жана экологиялык жактан таза энергия булактарын…

Дүйнөдө акыркы бир суткада коронавирусту жуктургандардын саны рекорддук көрсөткүчкө жетти.  Бул тууралуу ДССУ билдиргенин чет элдик маалымат каражаттары жазышты. Уюмдун маалыматына караганда, вирусту жуктуруу урурлары боюнча жаңы рекорд коюлуп, акыркы 24 сааттын ичинде 3 млн. 777 миң 104 учур катталды. Пандемия башталгандан бери COVID-19дан каза болгондордун саны 5 млн. 560 миң 718 адамга жетти. Акыркы суткада 8 миң 741 адам каза болду. Илдетти жуктургандардын көбү АКШда – 67 млн. 437 миң 353 адамга, андан кийин…

Израилдин баскынчы күчтөрү Батыш Шерианын ар кайсы аймактарына чабуул жасап, Иерусалимди басып алып, палестиналыктарды кеңири масштабда камоодо. Сионисттик согушкерлер 35 палестиналыкты, анын ичинде басып алынган Иерусалимдин Шейх Жаррах аймагындагы Салехия үй-бүлөсүнөн 26 мүчөсүн жана алар менен тилектештик үчүн чогулган активисттерди камакка алганын жергиликтүү булактар билдирди.Эске салсак, сионисттик режим ушул шаршемби күнү эртең менен Салехия үй-бүлөсүнүн Шейх Жаррах районундагы үйүн талкалап, үй-бүлө мүчөлөрүнүн баарын камакка алды.

ЖМКалар Израилдин аскерий базасында бомба жарылып, эки жоокер жарадар болгонун кабарлашты. Fars News агенттигинин эл аралык тобунун маалыматына ылайык, оккупацияланган Иерусалимдин чыгышындагы аскерий базада бомба жарылганын кабарлашты. Сионисттик каналдын 12 телеканалынын маалыматына караганда, аскерий база “Мишур Адомим” аймагына жакын жерде жайгашкан жана эки жоокер жарадар болгон. 12-канал андан ары жарылуу Тель-Авивдин аскерлери Иорданиянын Гор шаарында жаңылыш аткылоодон бир нече күндөн кийин болгонун билдирди. Израилдик армиянын «Голготц» радиосу аскерий базада аскерлерди машыктыруу учурунда граната жарылганын билдирди….

Коронавирустун “омикрон” штаммы дельтадан айырмаланып, орто дем алуу жолдоруна таасир этет. Бул тууралуу АКШнын Солт-Лейк-Сити шаарынан келген генетик-окумуштуу Дмитрий Прусс билдиргенин Lentа.ru жазды. Анын айтымына караганда, дельтадан айырмаланып, вирус өпкөгө кирүүнү көздөбөй, орто дем алуу жолдоруна чабуул жасайт. Эксперттин айтымында, штаммдын мындай жайылышы COVID-19дун оор түрү менен ооруган адамдарда байкалган. “Омикрон үчүн ортоңку дем алуу жолдорунун бронхиолити көбүрөөк мүнөздүү. Ал эми дельта үчүн – өпкөнүн тереңирээк жабыркашы”, – деп түшүндүрдү генетик. Буга чейин, орусиялык реаниматолог Михаил Чуйко…

Орусиянын президенти Владимир Путин Москвада ирандык кесиптеши Ибрахим Раиси менен жолугушту. Мамлекет башчылары эки тараптуу мамилелерди, аймактагы кырдаалды, Батыштын санкциялары жана Тегерандын өзөктүк программасын талкуулашты. “Пандемия учурунда Москвага убакыт таап келгениңиз үчүн ыраазычылык айткым келет. Сиздин инаугурацияңыздан кийин дароо биз дайыма байланышта болдук. Бирок, албетте, видеоконференциялар да, телефондук сүйлөшүүлөр да жеке баарлашууну алмаштыра албайт”, – деп орус лидери кесиптешине кайрылды. Ал ошондой эле Ирандын руханий лидери Али Хаменеиге эң жакшы каалоолорун жолдоду. Экономикалык кызматташтык Негизги темалардын бири эки өлкөнүн ортосундагы экономикалык…

Германиянын мурдагы канцлери Ангела Меркель БУУнун баш катчысы Антониу Гутерриштин уюмда кеңешчи болуп иштөө сунушунан баш тартты. Бул тууралуу чет элди маалымат каражаттар жазышты. Меркелдин бюросу экс-канцлер БУУда иштөө тууралуу Гутерриштин сунушу боюнча телефон аркылуу сүйлөшүп, ишеним көрсөткөнү үчүн башкы катчыга ыраазычылык билдирип, бирок акырында бул сунуштан баш тартканын билдирген. Эскерте кетсек, Гутерриш Меркелге бүткүл адамзатка пайда алып келе турган коомдук товарлар боюнча кеңеш берүүчү жогорку органга төрагалык кылууга чакырган. Ангела Меркель немис өкмөтүн 2005-жылдан бери жетектеп келген.2018-жылдын октябрь…